Týrıster bir jyldyń ishinde Trevı sýburqaǵyna 1,4 mln eýro tastaǵan
ASTANA. QazAqparat - Rımdegi týrıstik dástúrlerdiń biri - Trevı (Fontana di Trevi) sýburqaǵyna moneta tastaý jyl ishinde 1,4 mıllıon eýro kiris ákeldi.
Bul aqsha qaırymdylyqqa baǵyttaldy, dep jazady ıtalııalyq La Repubblica basylymy.
Eldegi iri jáne álemge tanymal sýburqaqqa týrısterdiń qyzyǵýshylyǵy basym bolyp otyr jáne ózindik yrymǵa da ıe. Eger oǵan arqasyn berip oń qolymen moneta tastaǵan jan Rımge taǵy keledi degen túsinik qalyptasqan.
Týrıster qaldyrǵan aqsha Caritas halyqaralyq katolıktik qaıyrymdylyq uıymyna beriledi jáne kedeı otbasylaryna arnalǵan tegin sýpermarket jobasyn, ashanalar, men kedeılerdiń turaǵyn qarjylandyrýǵa baǵyttalady.
Buryndary kóbinese eýro, dollar jáne ıenalar tabylatyn bolsa, keıingi kezderi avstralııalyq dollar kóptep kezdesip otyr.
Aıta ketken jón, Trevı sýburqaǵy Rımde ǵana emes, Italııadaǵy eń úlkeni. Onyń eni 20 metrge, al bıiktigi 26 metrge jetedi.
