Týrıster Baıkal jaǵalaýynda qyrylǵan ıtbalyqtardyń ústinen tústi
ASTANA. QazAqparat - Týrıster Býrıatııadaǵy Jańa Enhalýk kentinde Baıkal jaǵalaýyna shyǵyp qalǵan 30-ǵa jýyq óli ıtbalyqtyń ústinen shyqty.
Bul týraly «Komsomolskaıa pravda» gazetiniń saıty habarlady.
Basylym atap ótkendeı, sol mańaıda kvadrotsıklge minip júrgen demalýshylar keleńsiz oqıǵanyń kýágerleri boldy. Itbalyqtardyń deneleri jaraqattanǵan, janýarlardyń qaldyqtary jaǵalaýda shashyrap jatyr - olardy bir-birinen birneshe metr qashyqtyqqa laqtyryp tastaǵan. Baıkaldyq ıtbalyqtardyń nelikten ólgeni belgisiz. Olardyń brakonerlerdiń quryǵyna túsip qalǵany, aýrýdan nemese ózge de sebepterden ólgeni belgisiz. Eger olardy brakonerler aýlaǵan bolsa, ne úshin jaǵaǵa laqtyryp ketkeni túsiniksiz. Itbalyqtar Qyzyl kitapqa engizilgen, olardyń terisi óte qymbat baǵalanady. Sondaı-aq, maıy da emdik qasıetke ıe.
Jańa Enhalýktegi jantúrshigerlik oqıǵanyń sýretteri áleýmettik jelige tarap ketti. 
