Týrıster áz-Naýryzdy birden eki elde – Qazaqstan men Ózbekstanda qarsy alady
ASTANA. KAZINFORM — 20-25 naýryz kúnderi týrıster áz-Naýryzdy birden eki elde – Qazaqstan men Ózbekstanda qarsy alady. Bul joly baǵdar keńeıtilip, Ortalyq Azııanyń ejelgi qalalarynyń biri – Taraz tizimge qosyldy. Bul týraly Týrızm jáne sport mınıstrligi habarlady.
Kóktemniń jarqyn merekesi – Naýryzǵa oraı Jibek Joly baǵytyndaǵy úshinshi temirjol saıahaty bastalady. 20-25 naýryz kúnderi týrıster áz-Naýryzdy birden eki elde – Qazaqstan men Ózbekstanda qarsy alady. Bul joly baǵdar keńeıtilip, Ortalyq Azııanyń ejelgi qalalarynyń biri – Taraz tizimge qosyldy.
Halyqaralyq týr Almaty, Túrkistan, Tashkent, Samarqand jáne Taraz qalalaryn qamtıdy. Bes kún ishinde saıahatshylar kóne shaharlardyń atmosferasyna enip, Uly Jibek jolynyń rýhanı murasymen, eki eldiń baı mádenıetimen tanysady.
Etnoaýyldaǵy merekelik is-sharalar ulttyq dástúrler men erekshe sán-saltanatqa toly bolmaq:
Kontserttik baǵdarlama;
Dástúrli ádet-ǵuryp kórsetilimi;
Ulttyq taǵamdardan dám tatý.
Týrıster naǵyz shyǵys qonaqjaılyǵyn sezinip, jaıly qyzmet túrlerin ala alady:
kásibı gıdtiń súıemeldeýi;
zamanaýı vagondarda ornalasý;
tamaqtaný;
ekskýrsııalyq baǵdarlamalar.
Esterińizge sala keteıik, Jibek Joly týrıstik poıyzy Qazaqstan men Ózbekstan arasyndaǵy alǵashqy saparyn byltyrǵy qarasha aıynda jasaǵan bolatyn. Bul jobaǵa jergilikti týrıster ǵana emes, sondaı-aq Túrkııa, Qyrǵyzstan, Ýkraına, Reseı jáne basqa elderden kelgen qonaqtar da qyzyǵýshylyq tanytýda.
Búgingi tańda poıyz Uly Jibek joly baǵyty boıynsha eki sapar jasady. Naýryz merekesine arnalǵan úshinshi saıahatqa 350-ge jýyq týrıst attanbaq. Bul temirjol týrynyń saıahatshylar arasynda joǵary suranysqa ıe ekenin taǵy da dáleldeıdi.
Aıta ketelik Úndistannan Qazaqstanǵa baǵyt alǵan alǵashqy júk poıyzy jolǵa shyqqany týraly jazǵan edik.