Týrıster 230 aq aıýdyń «toıyn» kórdi
ASTANA. QazAqparat - Soltústik teńiz jolymen saıahattap júrgen týrıster 230 aq aıýdyń tobyn kórý múmkindigine ıe boldy, dep habarlaıdy Chýkotkanyń «Vrangelıa araly» qoryǵy.
Jyrtqyshtar jaǵaǵa shyǵyp qalǵan kıttiń jemtigine bola jınalǵan.
«Bul jerde urǵashy da, atalyq ta aıýlar, sondaı-aq túrli jastaǵy qonjyqtar da boldy. Tórt qonjyǵy bar eki urǵashy aıýdy kezdestirdik», - delingen qoryqtyń baspasóz qyzmetiniń habarlamasynda.
Osy erekshe oqıǵa týraly derek atalǵan aralda jumys istegen aq aıýlar popýlıatsııasyna baqylaý júrgizetin halyqaralyq ǵylymı topqa habarlandy.
