Týrıst aqy tólemes úshin oteldiń 19-qabatynan sym arqyly qashpaq bolǵan

ASTANA. QazAqparat - Qytaıda meımanhana nomeriniń aqysyn tólegisi kelmegen týrıst 19 qabatty úı bıiktigindegi sym arqyly basqa ǵımaratqa jetip, qashyp ketýge sheshim qabyldaǵan. 

Bul jaıly «Jenmın jıbao» jazdy. Oqıǵanyń vıdeosy YouTube arnasynda jarııalanǵan. Vıdeoda týrıstiń kerilgen sym arqyly bólmeden shyǵyp bara jatqany kórsetilgen. Birneshe sekýndtan keıin ol tepe-teńdigin joǵaltyp, symǵa asylyp qalady. «Akrobattyń» jerge túsýine qutqarýshylar jáne órt sóndirýshiler kómektesken. Artynsha ony polıtsııa qyzmetkerleri qamaýǵa aldy. Endi oǵan meımanhana bólmesi úshin ǵana emes  iri kólemdegi aıyppuldy qosa tóleýine týra keledi.