Túrim aıta beredi, ózim 45-temin: 60-ty alqymdaǵan aǵasynyń tólqujatymen ustaldy
AQTÓBE. QazAqparat - Keshe túngi saǵat eki shamasynda «Aqtóbe-Oral» baǵytyndaǵy № 613 jolaýshylar poıyzyn teksergen shekarashylar basqa adamnyń tólqujatymen júrgen jolaýshyny ustady, dep habarlaıdy QazAqparat QR UQK ShQ baspasóz qyzmetine silteme jasap.
Tekserý barysynda jolaýshynyń túri tólqujattaǵy fotosýretke uqsaǵanymen 46-ǵa tolmaǵan er adam úshin tym egde kóringen eken. «Qyraǵylyq óz jemisin berdi, kúdik dáleldendi. Ári qaraıǵy tekserý 45 jastaǵy Rýslannyń tólqujatymen saparǵa shyqqan onyń týǵan aǵasy, 59 jastaǵy Úsen ekendigin anyqtap berdi. Іsti Mártók aýdany boıynsha quqyq qorǵaý organdary qarastyratyn bolady», delingen baspasóz baıanynda.
