Túriktiń tanymal rejısseri Qoja Ahmet ıAsaýı jaıynda fılm túsirgisi keledi
ASTANA. QazAqparat - Túriktiń tanymal rejısseri Kámil Koch Qoja Ahmet ıAsaýı jaıynda fılm túsirýge qyzyǵýshylyq bildirýde. Rejısser bul týraly Sháken Aımanov atyndaǵy «Qazaqfılm» kınostýdııasynda ótken kezdesýde málim etken.
Aıta keteıik, túriktiń tanymal rejısseri Kámil Koch pen «Qoja Ahmet ıAsaýı bilim jáne parasat» qoǵamdyq qorynyń prezıdenti Ahmet ıAhshı Qazaqstanǵa «Qazaqfılm» kınostýdııasymen jáne jalpy qazaq kınematografııasymen tanysý maqsatynda kelgen, dep habarlaıdy QazAqparat «Qazaqfılm» kınostýdııasynyń baspasóz qyzmetine silteme jasap.
«Qazaqfılm» kınostýdııasynyń prezıdenti Baqyt Qaıyrbekovpen kezdesý barysynda Kezdesýde Kámil Koch arnaıy qabyldaǵany jáne elimizdiń eń úlken kınofabrıkasymen tanysýǵa múmkindik jasaǵany úshin kompanııa basshylyǵyna alǵysyn bildirdi.
Sondaı-aq kezdesý barysynda Kámil Koch túrki halyqtary fılmderin óndirý jáne qarjylandyrýǵa baǵyttalǵan kıno qoryn qurý týraly usynys tastady. Ol sonymen qatar, Qoja Ahmet ıAsaýı jaıynda fılm túsirýge qyzyǵýshylyq tanytatynyn jáne bul jobany «Qazaqfılmmen» birlesip iske asyrýdy qalaıtynyn aıtty.
Óz kezeginde Baqyt Qaıyrbekov bolashaqta ashylatyn túrki tildes halyqtarynyń fılmderi qory qurylýyna tilektes ekendigin jetkizdi. «Kınostýdııamyzǵa kelgenderińizge qýanyshtymyz jáne túrik kınematografısterimen birlesip jumys jasaýǵa árdaıym daıynbyz. Kınostýdııanyń baǵyttarynyń biri sheteldik stýdııalarmen birlesken jobalardy iske asyrý. Onyń ústine jasalatyn fılmder ortaq tarıhymyzdan habar beredi. Kınostýdııanyń menshiginde Smaǵul Elýbaı jazǵan «ıAsaýı» atty daıyn stsenarıı bar jáne birlesip jumys jasaıtyn jaǵdaıda sizderdi avtormen tanystyramyz», - dedi Baqyt Qaıyrbekov.
Sondaı-aq, ol áńgime barysynda qazaq fılmderi Túrkııanyń kınofestıvalderine, atap aıtqanda, Kámil Kochtyń ózi basqaratyn «Bosfor» festıvaline jyl saıyn qatysyp júldemen oralatynyn atap ótti.
