Túrikter toǵyzqumalaq oıynyn úırenip jatyr
Bul týraly Dúnıejúzilik Toǵyzqumalaq federatsııasynyń bas hatshysy Maqsat Shotaev óziniń áleýmettik jelidegi paraqshasynda jazdy.
«Toǵyzqumalaqtyń aqyl-oı óneri retinde jan-dúnıeni baýrap alar qasıeti kóp. Ejelgi kóshpendilerdiń erek murasy búgingi kúni ǵalamdyq deńgeıde nasıhattalyp otyrýynyń syry jeke tulǵany jasampazdyqqa bastar qasıetterinde bolsa kerek. Urpaq tárbıesinde əlemde úlgige aınalǵan túrik halqy búgin toǵyzqumalaqty tańdap otyr. Türk zeka oyunu degen sóz olardyń basty maqtanyshtarynyń biri», - dep jazdy ol.
27 qańtardan beri qaraı Túrkııanyń Antalııa qalasynda (Side) Le Grande Resort bes juldyzdy qonaq úıinde Túrkııa Mangala Federatsııasy men Dúnıejúzilik Toǵyzqumalaq Federatsııasynyń uıymdastyrýymen muǵalimderdiń qysqy demalys kúnderi aıasynda toǵyzqumalaq, Mangala jáne ovarıatsııalyq oıynynan halyqaralyq semınar ótýde.
«2 aqpanǵa deıin jalǵasatyn semınardyń baǵdarlamasy da jan-jaqtyly. Qyzyqty sabaqtar, seans, joldastyq kezdesýler, jarystar. Eń bastysy dostyq jáne mádenı baılanystar. Túrkııanyń 12 qalasynan kelgen 30 muǵalim toǵyzqumalaq sabaqtaryn, úırenip, synaq tapsyrýda. Osy semınarda alǵan bilimin shəkirtterine úıretpekshi. Ər qaısysy toǵyzqumalaq taqtasy men kitaptaryna muqtaj. Aldaǵy sáýir aıyna deıin bul másele sheshiletinin jetkizdim. MUǴALІMDERDІŃ kóbisi - matematıka, ınformatıka, til mamandary. Toǵyzqúmalaq úırenemin dep jalyndap tur. «Keń aqyl, júırik qııal, ystyq júrek» ıelerin kórgendeımin. HHІ ǵasyr - túrik halyqtarynyń ǵasyry degen ǵalymdar pikiri shyndyqqa aınalýy ózimizge baılanysty», - dep jazdy Maqsat Shotaev.