Túrikter Obamanyń «qylyǵyna» ókpelep qaldy
ASTANA. 4 tamyz. QazAqparat - 30 shilde kúni AQSh Prezıdenti Barak Obama Túrkııa Premer-mınıstrimen telefon arqyly tildesken bolatyn.
Áńgime barysynda fotoobektıvke túsip qalǵan Obamanyń qolynda beısbol bıtasy bolǵandyǵy belgili bolyp qaldy. Fotosýret birden ınternetke tarap ketti.
Túrik oppozıtsııasy Barak Obamanyń sýretine ashynyp, óz elderiniń Premer-mınıstrine osy jaǵdaıǵa qatysty qandaı sharalar qoldanatyndyǵy týraly Parlament aldynda esep berýin talap etýde.
Aq Úıden málim etkendeı, fotosýrettiń kópshiliktiń nazaryna usynylýynyń basty maqsaty - eki el prezıdentteri arasyndaǵy qarym-qatynastardyń qanshalyqty tyǵyz ekendigin kórsetý bolǵan.
Túrik basylymdarynyń keıbiri bul «shataqty» ázilmen qabyldady. Olardyń biri Túrkııa úkimetiniń basshysy AQSh Prezıdentine kezekti ret telefon shalǵanda qolyna báteńke, beldik nemese oqtaý alyp jaýap qaıtarýǵa keńes berdi.
