TúrikPA Qyrǵyzstanda ótetin referendýmǵa baıqaýshy bolady
BAKÝ. QazAqparat - Túrkitildes memleketterdiń Parlamenttik assambleıasynyń (TúrikPA) halyqaralyq baıqaýshylar mıssııasy 11 jeltoqsanǵa belgilengen Qyrǵyzstan Konstıtýtsııasyna ózgerister engizý týraly jalpyhalyqtyq referendýmǵa qysqamerzimdi monıtorıng júrgizý jumystaryna kiristi, dep habarlaıdy «QazAqparat» HAA-niń menshikti tilshisi.
Qazaqstan Parlamenti Májilisiniń depýtaty Nurlan Dýlatbekov basqaratyn, quramynda Qazaqstan, Ázerbaıjan, Túrkııa parlamentiniń depýtattary bar baıqaýshylar mıssııasyn Qyrǵyz Respýblıkasy Jogorký Keneshiniń (Parlament) tóraǵasy Chynybaı Týrsýnbekov qarsy aldy.
Qyrǵyz Parlamentiniń spıkeri TúrikPA uıymy qyzmetiniń túbi bir memleketterdiń arasyn jaqyndatýda mańyzdy ról atqaratynyn atap ótip, assambleıa qyzmetin keńeıtýge baǵyttalǵan Qazaqstannyń bıylǵy jylǵy tórǵalyǵyna joǵary baǵa berdi.
Aıta keteıik, Qyrǵyzstanda 11 jeltoqsan kúni el Konstıtýtsııasyna ózgerister engizý maqsatyndaǵy jalpyhalyqtyq referendým men jergilikti keneshterdiń saılaýy ótkizilmek.
