Túrikmenstannyń joǵary laýazymdy sheneýnikteri Qytaı júk kólikteriniń kesirinen jumystarynan aıyryldy
ASTANA. 21 shilde. QazAqparat - Túrikmenstan Prezıdenti Gýrbangýly Berdimuhamedov jumystaǵy aıtarlyqtaı kemshilikteri úshin bas memlekettik qyzmet - «Týrkmenstandartlarynyń» tóraǵasy Nurgeldi Orazovty jumystan bosatty.
RIA Novostı aqparaty boıynsha, mundaı sheshimdi Túrikmenstan basshysy kólik jáne baılanys, qurylys, energetıka men óndiris keshenderin damytýǵa arnalǵan Úkimet saǵatynda qabyldaǵan. Jıynda sóz sóılegen Túrikmenstannyń bas prokýrory ıAranmyrad ıAzmyradov «Týrkmenstandartlary» memlekettik qyzmetin qytaılyq Nowo markaly úlken júk kólikterin el aýmaǵynda paıdalanýǵa zańsyz qujat bergendigi úshin aıyptady. Bas prokýrordyń sózine qaraǵanda, Nowo júk kólikteri qujattardy standart boıynsha alǵan, alaıda tehnıkalyq sıpattamasy jergilikti klımat jaǵdaılaryna sáıkes kelmeıdi, qozǵaltqyshtaryndaǵy shýdyń deńgeıi joǵary jáne tejegish júıesinde aqaýlar bar kórinedi.
Sondaı-aq Nowo júk kólikteriniń tasymaldaıtyn júk salmaǵy 10 tonnadan artyq ekendigi, sonyń saldarynan tasjoldardyń tez búlinetini belgili boldy. Osyǵan oraı Túrikmenstan Prezıdenti memlekettik «Týrkmenstandartlarynyń» qyzmetiniń tóraǵasy Nurgeldi Orazovty qyzmetinen bosatty. Odan ózge eldiń Kólik mınıstri Serdar Berkelıev te jumysynan aıyryldy.
1tv.kz
