Túrikmenstannan qyzanaq pen burysh ákelýge tyıym salyndy

NUR-SULTAN. QazAqparat - QR Aýyl sharýashylyǵy mınıstrliginiń Agroónerkásip keshinindegi memlekettik ınspektsııa komıteti 7 maýsymynan bastap Túrikmenstan aýmaǵynan qyzanaq pen burysh ónimderin ákelýge tyıym salyp, ýaqytsha karantındik fıtosanıtarııalyq sharalardy engizdi, dep habarlaıdy mınıstrliktiń baspasóz qyzmeti.

Bul – qyzanaq pen buryshtan karantındik organızmderdiń anyqtalý jaǵdaılarynyń jıileýine baılanysty engizilgen sharalar.

Túrikmenstannyń ósimdikter karantıni jónindegi memlekettik qyzmetiniń fıtosanıtarııalyq sertıfıkattarynyń súıemeldeýimen Qazaqstanǵa jetkiziletin qyzanaqtarǵa karantındik fıtosanıtarııalyq baqylaý júrgizý kezinde «qońyr ájim» vırýsynyń (Tomato brown rugose fruit virus (ToBRFV) 19 deregi anyqtaldy.

ISPM № 13 «Sáıkessizdik jáne shuǵyl áreket etý týraly notıfıkatsııalaý nusqaýlyǵy» fıtosanıtarııalyq sharalar jónindegi halyqaralyq standarttyń erejesine sáıkes (Rım, 2002), Túrikmenstannyń ósimdikter karantıni jónindegi memlekettik qyzmetiniń atyna karantındik fıtosanıtarııalyq talaptardyń buzylýy týraly notıfıkatsııalar jiberildi.

Kórshi respýblıkanyń ýákiletti organdarynyń eksporttalatyn ónimde vırýstyń paıda bolý sebepterin tekserý týraly obektıvti derekteriniń bolmaýyna baılanysty jáne Qazaqstan aýmaǵyndaǵy karantındik fıtosanıtarııalyq ahýaldy ýshyqtyryp almaý maqsatynda Komıtet 2021 jyldyń 7 maýsymnan bastap Túrikmenstannan qyzanaq pen burysh ákelýge ýaqytsha tyıym saldy.

Jalpy, ósimdikter karantıni salasynda jyl basynan beri Qazaqstan Respýblıkasynyń aýmaǵyna karantınge jatqyzylǵan ónimdi ákelýge qatysty 1300-den astam zań buzýshylyq anyqtaldy. Karantındik fıtosanıtarııalyq talaptardy buzyp, karantınge jatqyzylǵan 11 myń tonna ónimdi jetkizbek bolǵandardyń joly kesildi. Qazaqstanǵa jetkiziletin ónimnen karantındik obektiler tabylǵan 155 jaǵdaı tirkeldi. Tártip buzǵandar ákimshilik jaýapkershilikke tartylyp, 56 mln teńgeden asatam somada aıyppul tóledi.