Túrikmenstandaǵy Nowruz merekesi nesimen erekshelenedi

AShHABAD. QazAqparat – Túrikmen halqynda Naýryz merekesine qatysty yrymdar bar. Mysaly, Naýryz bultty bolsa, osyndaı aýa raıy maýsymnyń ortasyna deıin saqtalady. Al eger Naýryzda qar nemese jańbyr jaýsa, sol jyly astyq mol bolady. QazAqparat agenttigi «Türkmenistanyň Döwlet habarlar agentligi» materıaldarynyń negizinde osy elde Naýryzdyń qalaı toılanatyny týraly materıal usynady.

Túrkimenstanda jastar kóktemniń kelýin túrli dástúrli oıyndarmen qarsy alady. Naýryzda maýsymnyń birinshi at jarysy, sonymen qatar alabaılar tóbelesi ótedi. Endi Naýryz-baıram kezinde Áıelder kúni, Analar kúni toılanatyn boldy, bul qoǵam ómirinde áıelder róliniń moıyndala bastaǵanyn bildiredi.

Jyl saıyn Naýryzdy toılaýǵa álemniń túrli elderinen kóptegen qonaq keledi.

Merekeniń eń basty jańalyǵy «Nowruz ýaýlasy» alańynda túrli sharalar ótedi. Onda túrkimenderdiń aýyldaǵy tirshiligin beıneleıtin kólemdi ekspozıtsııa qurylady. Túrli kilemdermen ásemdelgen kıiz úıler qoıylady, aýylǵa úı janýarlary ákelinip, dalada qazandar qaınap jatady. Túrli sheberhanalar men shyǵys bazary ornatylady. Halyqtyń kóńilin kóteretin ártister óner kórsetedi, úzdik aspazshylar ulttyq taǵamdar ázirlep jatady.

Bir top áıelder dánderdi óńdeýdiń kezeńderin kórsetedi. Kelesi tapshandarda qamyr jazylyp jatady. Dalaǵa ornatylǵan peshterde kúlsheler pisiriledi. Qazandarda pıshme, Naýryz taǵamdary – semenı men túrkimen palaýy daıyndalyp jatady.

Mereke kezinde ulttyq oıyndarǵa erekshe kóńil bólinedi. Arqan boıymen júretin ártister kóńil kóterýge kelgen halyqty tańdandyrady. Balalar asyq oınaıdy. Qonaqtarǵa kıiz úıdiń qalaı jınalatyny kórsetiledi. Kezinde kóshpendi ómir saltyn ustanǵan shopandar men ańshylar kıiz úıde turǵan. Keıbir kórermenderde ony quryp kórýge múmkindik beriledi.

Burynnan kele jatqan Kýshtdeptı bıi bılenedi. Jas bahshılar bıi kórermenderdi erekshe áserge bóleıdi. Onda ulttyq mádenıetke tán qımyldar bar. Budan Naýryz merekesin toılaýda ózgeris bar ekenin, alaıda jas urpaqtyń óz salt-dástúrinen alys ketpegenin baıqaýǵa bolady.