Túrikmenstanda kezekten tys prezıdenttik saılaý bastaldy

AShHABAD. QazAqparat – Túrkimenstanda kezekten tys prezıdent saılaýy bastaldy, dep habarlaıdy QazAqparat tilshisi.

Ortalyq saılaý komıssııasynyń derekterine saı, elde 3,43 mıllıon adam daýys berý quqyǵyna ıe, 2 577 saılaý ýchaskeleri uıymdastyrylǵan. Azamattardyń qaýipsizdigi úshin sanıtarlyq-profılaktıkalyq sharalar qabyldanyp, 300-den astam ýchaskede ınnovatsııalyq zararsyzdandyrý quraldary ornatylǵan.

Saılaý barysyn 2 726 ulttyq baqylaýshy, sonymen qatar TMD elderinen baqylaýshylar mıssııasy qadaǵalap otyrady.

Prezıdenttikke úmitker retinde 9 adam tirkeldi. Úsh kandıdatty saıası partııalar, alty kandıdatty yntaly azamattar toptary usynǵan. Daýys berý 19:00-de aıaqtalady.