Túrikmenstanda kaspıımańy elderi balalarynyń festıvali ótedi

ASTANA. QazAqparat - Aǵymdaǵy jyldyń 2-7 qarashasy aralyǵynda Túrikmenstandaǵy »Avaza» ulttyq týrıstik aımaǵynda kaspıımańy memleketteriniń mekteptik mádenı-sporttyq sharalary ótkiziledi, dep habarlaıdy Anadoly túrikmendik  «Týrkmenıstan- Zolotoı vek» basylymyna silteme jasap.

Túrikmenstan, Qazaqstan, Ázerbaıjan, Iran jáne Reseıden kelgen balalar komandalary sporttyń alty túrinen:  shaǵyn fýtbol, voleıbol, basketbol, ústel tennısi, shahmat jáne belbeýden ustap kúresýden jarysady.

Báseke «Avaza» sport kesheninde bolady.

Sondaı-aq, shara aıasynda  daryndy balalardyń VI Halyqaralyq festıvali ótedi.

Mádenı-sporttyq forýmnyń basty maqsaty - kaspıımańy elderi halyqtarynyń ózara dostyǵy men senimin  óskeleń urpaq arqyly nyǵaıtý, sportty nasıhattaý, balalardy rýhanı tárbıeleýge úles qosý.