Túrikmenstanda Kaspıı elderiniń halyqaralyq konferentsııasy ótti

TÚRІKMENBAShY. TDH - QazAqparat – Túrikmenstanda Kaspıı mańy elderiniń úkimet basshylarynyń qatysýymen «Kaspıı teńizi: halyqaralyq ekonomıkalyq yntymaqtastyqty damytý múddesi úshin» taqyrybynda halyqaralyq konferentsııa ótti, dep habarlaıdy QazAqparat tilshisi.

Halyqaralyq konferentsııaǵa Túrikmenstan Prezıdenti Gýrbangýly Berdimuhamedovpen qatar, Qazaqstannyń Premer-mınıstri Asqar Mamın, Iran Islam Respýblıkasynyń vıtse-prezıdenti Iran Eshak, Ázerbaıjan Respýblıkasynyń Premer-mınıstri Novrýz Ismaıl ogly Mamedov, Ózbekstan Respýblıkasynyń Premer-mınıstri Abdýlla Arıpov qatysty.

Konferentsııanyń kún tártibinde Kaspıı teńiziniń jaǵalaýyndaǵy memleketterdiń ózara is-qımylyn kúsheıtýge qatysty mańyzdy máseleler qaraldy.

Osyǵan baılanysty Gýrbangýly Berdimuhamedov Tuńǵysh Kaspıı ekonomıkalyq forýmyn uıymdastyrý týraly túrikmen tarapynyń bastamasyna qoldaý bildirgeni úshin Kaspıı mańy memleketteriniń barlyǵyna alǵysyn bildirdi.