Túrikmenstanda qasıetti Qadir túni qurmetine raqymshylyq jasalady
ASTANA. QazAqparat - Túrikmenstan prezıdenti Gýrbangýly Berdimuxamedov musylmandar úshin qasıetti bolyp sanalatyn Qadir túni qurmetine túrmede jazasyn óteýshilerge raqymshylyq jasaý týraly jarlyqqa qol qoıdy, dep habarlaıdy kabar.kg.
Qujatta bul sheshimniń túrkimen halqy men ondaǵy árbir otbasynyń bereke-birligin odan ári nyǵaıtý maqsatynda adamgershilik jáne gýmanızm qaǵıdattaryna sáıkes qabyldanǵandyǵy týraly aıtylǵan.
Osy jyly túrikmen basshysynyń jarlyǵyna sáıkes 1029 azamat raqymshylyqqa ilinip, bostandyqqa shyǵady dep jazady agenttik.
