Túrikmenstan Respýblıkasymen áýe qatynasy qaıta ashylady

ASTANA. QazAqparat - Ushý geografııasyn keńeıtý jáne halyqaralyq reıster sanyn ulǵaıtý jónindegi jumys sheńberinde QR IIDM Azamattyq avıatsııa komıteti túrikmen tarapymen birlesip Qazaqstan men Túrikmenstan arasynda áýe qatynasyn jańartý máselesin pysyqtady, dep habarlaıdy QazAqparat.

Osylaısha, «Túrikmenstan» áýekompanııasy 2023 jyldyń 26 naýryzynan bastap eki el arasyndaǵy turaqty jolaýshylar reısterin qaıta bastaýdy josparlap otyr. Reıster Almaty-Ashhabad baǵyty boıynsha aptasyna 2 reıs jıiligimen seısenbi jáne beısenbi kúnderi «Boıng-737» úlgisindegi áýe kemelerinde oryndalatyn bolady.

Áýe qatynasyn jańartý elder arasyndaǵy saýda-ekonomıkalyq, iskerlik, týrıstik jáne mádenı yntymaqtastyqty odan ári damytýǵa yqpal etedi.