Túrikmenstan prezıdenti ulttyq messenjer jasaýdy usyndy

AShHABAD. TDH - QazAqparat - Túrikmenstan prezıdenti Gýrbangýly Berdymýhamedov senimdi aqparat taratý úshin ulttyq messenjer jasap shyǵarýdy tapsyrdy, dep habarlaıdy QazAqparat Túrikmenstannyń memlekettik aqparat agenttigine silteme jasap.

24 maýsym kúni ótken mádenıet pen BAQ salasyn jetildirý jónindegi onlaın keńeste el prezıdenti halyq arasynda senimdi aqparat taratý úshin ınternet habarlama almasatyn zamanaýı ulttyq júıe jasaý kerektigin aıtqan.

«Prezıdent sonymen birge el ekonomıkasynyń barlyq salasynda qol jetkizgen tabystardy álemge jetkizý maqsatynda otandyq BAQ-tyń tanymal áleýmettik jelilerde óz alańyn qurýy mańyzdy ekenin atap ótti» dep habarlaıdy agenttik.

Keleli otyrysqa sondaı-aq, mınıstrler kabıneti tóraǵasynyń orynbasary B. Abdyeva, Túrikmenstan prezıdentiniń baspasóz hatshysy K. Charyıardýrdyev, Memlekettik aqparat agenttiginiń tóraǵasy B. Amansaryev pen Túrikmenstan beıbitshilik qorynyń basqarma tóraǵasy M. Saryeva qatysty.