Túrikmenstan Prezıdenti Túrki keńesiniń Bas hatshysyn qabyldady

AShHABAD. QazAqparat – Túrikmenstan Prezıdenti Gýrbanguly Berdymuhamedov Túrkitildes memleketteri yntymaqtastyq keńesiniń (Túrki keńesi) Bas hatshysy Baǵdat Ámireevti qabyldady. Kezdesý barysynda taraptar Túrikmenstannyń arnaıy mártebede Túrkitildes memleketteri yntymaqtastyq keńesine kirý múmkindikterin talqylady, dep habarlaıdy QazAqparat Keńestiń jelidegi paraqshasyna silteme jasap.

Bas hatshy Baǵdat Ámireev Túrikmenstan prezıdentin Túrki keńesiniń sońǵy jańalyqtarynan habardar etip, Ystanbulda 2021 jyldyń 12 qarashasyna josparlanǵan Túrki keńesiniń 8-shi sammıti taqyrybyn qozǵady.

B. Ámireev Túrikmenstan prezıdentine Túrki keńesiniń bolashaq strategııalary, Túrki ınvestıtsııalyq qoryn qurý jónindegi jańalyqtar, keńes múshesi bolyp tabylmaımyn eldermen qarym-qatynas týraly, sonymen qatar Túrkmenstannyń múshe eldermen túrli salalardaǵy, atap aıtqanda ekonomıka, saýda, kólik jáne energetıkadaǵy yntymaqtastyq múmkindikteri týraly aqparat berdi.

Túrikmenstan basshysy, óz kezeginde, Túrki keńesiniń 8-shi sammıtine qatysatynyn rastady. Onyń aıtýynsha, kóptegen onjyldyqtar boıy Túrikmenstannyń syrtqy saıası baǵytynyń negizgi vektory túrki elderimen baýyrlas qarym-qatynastardyń damýy bolyp keledi.

Kezdesý sońynda Túrikmenstannyń Túrki tildes memleketteri yntymaqtastyq keńesine (Túrki keńesi) arnaıy mártebemen kirý múmkindikteri talqylandy.