Túrikmenstan prezıdenti Kaspıı ekologııasyn qorǵaýǵa shaqyrdy

ASTANA. QazAqparat - Túrikmenstan prezıdenti Gýrbangýly Berdymýhamedov Kaspıı mańyndaǵy «Avaza» kýrortyna sapary barysynda qorshaǵan ortany qorǵaýdyń mańyzdylyǵyna, qolaıly ekologııalyq jaǵdaıdy qoldaý qajettiligine basa nazar aýdardy, dep habarlady Trend «Neıtralnyı Týrkmenıstan» gazetine silteme jasap.

«Avaza» kýrortynyń baǵyty - saýyqtyrý, buǵan negiz - teńiz mańyndaǵy óńirdiń biregeı klımattyq jaǵdaıy, emdik gıdromıneraldyq resýrstar», - delingen maqalada.

Kaspıı teńizi - álemdik muhıtpen baılanysy joq, klımat quraýshy máni bar álemdegi iri qurylyqishilik sý qoımasy. Bul jerde áralýan relıktik flora men faýna saqtalǵan. Onyń ishinde bekire balyqtary bar.

Budan buryn habarlanǵandaı, Avazada naýryzda Halyqaralyq teńiz ınstıtýty (IOI) uıymdastyrǵan «Kaspıı teńizi - ornyqty damý jáne basqarý» óńirlik semınary ótti.

Sharaǵa Ázerbaıjan, Iran, Qazaqstan, Reseı, Túrikmenstan mınıstrlikteri men vedomstvolarynyń mamandary shaqyrtyldy. Semınar barysynda óz ýaqytynda jaǵalaý mańyndaǵy elderdiń kúshin biriktiretin Kaspıı ekologııalyq baǵdarlamasyn, Jahandyq ekologııalyq qor, BUU Damý baǵdarlamasyn, BUU qorshaǵan ortany qorǵaý jáne Dúnıejúzilik bank baǵdarlamalaryn jandandyrý qajettigi atalyp ótti.

Semınarda teńiz ekojúıesi, klımattyń teńiz ortasyna yqpaly, teńiz bıoalýandylyǵy, adamnyń sharýashylyq qyzmetiniń qorshaǵan ortaǵa yqpalyn baǵalaýdyń zamanaýı ádisteri zerdelendi. Munaı jáne gaz resýrstaryn barlaý jáne paıdalaný, Kaspıı teńiziniń ortasy men balyq qorlaryn qorǵaý maqsatynda keme qatynasyn retteý kezinde qoldanylatyn halyqaralyq quqyqtyq normalarǵa sholý usynyldy.