Túrikmenstan Prezıdenti balasyna durys tárbıe bermegeni úshin mınıstrdi qyzmetinen bosatty
ASTANA. 15 sáýir. QazAqparat - Óz balasyna tárbıe bere almaǵan basshyǵa úkimette oryn joq. Osyndaı aıyptaýlarmen Túrikmenstan Prezıdenti Qurbanquly Berdimuhammedov energetıka mınıstrin qyzmetinen bosatty, dep habarlady ITAR-TASS.
Vedomstvo basshysy onyń uly jol-kólik apatyn jasaǵany úshin qyzmetimen qosh aıtysty. Ol polıtehnıkalyq ınstıtýtta oqıtyn kýrstastarymen birge túngi avtojarys uıymdastyrǵan. Apat saldarynan bir adam qazaǵa ushyrady.
Bul oqıǵa úkimet otyrysynda qaraldy. Mınıstrmen birge polıtehnıkalyq ınstıtýttyń rektory da qyzmetinen ketti. Prezıdenttiń pikirinshe, qaıǵyly oqıǵa ınstıtýtte tárbıe jumysyna mán berilmegenin kórsetti.
