Túrikmenstan Qazaqstanmen shekarany ýaqytsha japty

AQTAÝ. QazAqparat - Ashhabatta jabyq ǵımarattarda ótetin 5-shi Azııa oıyndarynyń ótýine baılanysty shekaradaǵy qaýipsizdik sharalary kúsheıtildi, dep habarlaıdy «QazAqparat» HAA tilshisi.

Azııa oıyndar 17 qyrkúıekte bastalyp, 10 kúnge jalǵasaly. Sondyqtan 27 qyrkúıekke deıin respýblıkaǵa ońaılatylǵan tártipte, ıaǵnı vızasyz keletin sheteldik azamattar úshin Túrikmenstan aýmaǵyna kirý ýaqytsha jabyldy.

«Shekara aǵymdaǵy jyldyń 27 qyrkúıegine deıin jabyq. Ózderińiz biletindeı, Túrikmenstanǵa ońaılatylǵan tártippen kelýdi buryn jasalǵan kelisimderge sáıkes, Mańǵystaý oblysynda turatyn QR azamattary qoldanyp keldi. Olar Túrikmenstannyń Balqan ýálaıaty aýmaǵyna vızasyz 5 táýlikke deıin kelip, ketip júrdi», - dedi Mańǵystaý oblystyq memlekettik kirister departamentiniń bas mamany Maqsat Aqmuratov.

Onyń aıtýynsha, Qazaqstan azamattarynyń turǵylyqty jeri jeke kýálikte (tólqujatta) jazylǵan tirkelý belgisi negizinde anyqtalady.

Qazirgi tańda Qazaqstan-Túrikmenstan shekarasynda «Temir-baba» avtomobıl ótkizý beketi ornalasqan. Ol jerde osylaı atalatyn, sondaı-aq «Bolashaq» temirjol shekara beketteri bar.