Túrikmenstan EYU aıasynda mańyzdy bastamalar kóterdi

AShHABAD. QazAqparat – Túrikmenstan Ekonomıkalyq yntymaqtastyq uıymy aıasynda mańyzdy basmalar kóterdi, dep habarlaıdy QazAqparat tilshisi osy eldiń syrtqy ister vedomstvosyna silteme jasap.

«2021 jyldyń 9 qyrkúıeginde Túrikmenstannyń usynýymen BUU Bas Assambleıasynyń 75 sessııasynyń 102 plenarlyq májilisinde «Birikken Ulttyq Uıymy men Ekonomıkalyq yntymaqtastyq uıymy arasyndaǵy yntymaqtastyq týraly» qarary biraýyzdan qabyldandy»,-dep habarlaıdy Túrikmenstannyń Syrtqy ister mınıstrligi.

Vedomstvo ókilderi Ekonomıkalyq yntymaqtastyq uıymy aıasynda bıylǵy jyldyń 28 qarashasynda Ashhabadta uıymǵa múshe elderdiń Memleket basshylarynyń kezekti 15-shi Sammıti ótedi.

«Beıtarap Túrikmenstan Birikken Ulttar Uıymyn qosa alǵanda iri halyqaralyq uıymdarmen óńirlik yntymaqtastyqty qurylymdy yntymaqtastyqqa aınaldyrý maqsatynda mańyzdy bastamalar kóterip, jobalar usynyp otyr. Osynyń ózi uzaqmerzimdi nátıjeli qarym-qatynas úshin myqty negiz qalap otyr»,-delingen Syrtqy ister mınıstrliginiń habarlamasynda.

Aıta keteıik, EYU-na múshe memleketter: Iran, Pákistan, Túrkııa, Qazaqstan, Ázerbaıjan, Aýǵanstan, Qyrǵystan, Tájikstan, Túrikmenstan jáne Ózbekstan bolyp tabylady.

Mádıbek Jánibekov