Túrikmender 1 qyrkúıekte velosıpedke otyrady
ASTANA. 30 tamyz. QazAqparat - Túrmenstan Prezıdenti Qurbanquly Berdimuhamedov 1 qyrkúıekke buqaralyq velsıped sherýin belgiledi. Bul týraly EurasiaNet habarlady.
"Bul aktsııa densaýlyqty nyǵaıtýǵa, ekologııalyq máselelerdi sheshýge jáne velosıped sportyn keńinen tartaýǵa járdemdesedi", dep málimdedi budan buryn memleket basshysy. Túrikmen memlekettik agenttiginiń habarlaýynsha, velojoryqqa "barlyq azamattar - balalar, mektep oqýshylary, stdentter, ártúrli sala qyzmetkerleri qatysady.". Aktsııaǵa qatysýdan bas tartqandarǵa nemese 1 qyrkúıekte avtomobıldi paıdalanǵandarǵa qandaı sanktsııalar qoldanylatyny belgisiz.
"Túrkimen hronıkasynń" habarlaýynsha, memlekettik qyzmetkerlerge óz qarjysyna velosıped satyp alýǵa májbúrlegen. 3 tamyzda Berdimuhamedov birneshe ondaǵan jergilikti sheneýniktermen birge velosıpedpen serýendeýge shyqqan. Velosıped tebý birneshe saǵatqa jalǵasqan. Keıbireýleri aptap ystyqqa shydaı almaı esinen aıyrylǵan (3 tamyzda Ashhabadtaǵy aýanyń temperatýrasy Tselsıı baǵanymen 39 gradýsqa jetken).
Budan buryn osy jylǵy sáýirde memleket basshysynyń nusqaýymen el turǵyndaryn "Densaýlyq pen baqyt aptasy) aýqymynda jappaı deneshynyqtyrýǵa qatysýǵa májbúrlegen bolatyn.
