«Túrikmen áýe joldaryna» Eýroodaqqa ushýǵa tyıym salyndy
ASTANA. QazAqparat - Eýropa áýe qaýipsizdigi agenttigi (EASA) «Túrikmen áýe joldaryna» Eýroodaqqa ushýǵa tyıym saldy, dep habarlaıdy VVS.
Agenttik ushaqtardyń qaýipsizdik talaptaryna sáıkes keletinin tekserip jatyr.
«Túrikmen áýe joldarynyń» birneshe myńdaǵan jolaýshylary Londonnan Ashhabad arqyly Úndistanǵa ushatyn tanymal reısterin toqtatqannan keıin usha almaı otyr.
Independent basylymynyń deregi boıynsha, túrikmen áýe kompanııalaryna bılet alǵan Úndistandaǵy 5 myńǵa jýyq adam osyndaı jaǵdaıǵa tap bolýy múmkin.
Jolaýshylar keltirilgen zalaldy óteý úshin áýe kompanııasyna baılanysýǵa keńes berilgen. Al bıletterdi bank kartasymen alǵandar óz bankterine barýy kerek.
