Túrik shıpajaıynda «Reseıdiń vıtse-mıssin» soqqyǵa jyqty
ASTANA. 15 qyrkúıek. QazAqparat - Kóptegen sulýlar baıqaýynyń jeńimpazy Alena Kýznetsova men onyń jigitin túrikterdiń Belek atty shıpajaıynda 15 jergilikti turǵyn soqqyǵa jyqty, dep jazady «Komsomolskaıa pravda».
Oqıǵa 26 tamyz kúni bolǵan. Kýznetsova óziniń jigiti A.Ýshnıkovpen birge otaý qurýlaryn atap ótip jatqan. Bul kúni olar qýanyshtary qoıyndaryna syımaı, ózenge saıahatqa shyǵyp, raftıngke attanady.
Basylymnyń jazýynsha, Alenaǵa bir túrik jol bastaýshy qaıta-qaıta tıise beredi. Aıaǵyn kúnnen qorǵaıtyn kremmen maılap otyrǵan qyzǵa kelip ol: «Qane, men maılap bereıin», - dep usynys jasaıdy.
Kýznetsovanyń bas tartqanyna qaramastan túrik qyzǵa tıisýin toqtatpaıdy. Osy kezde oǵan Ýshnıkov kómekke kelip, súıgen qyzyn qorǵaýǵa kirisedi. Túrik pen Ýshnıkovtyń arasynda tóbeles bastalyp ketedi. Jol bastaýshy túrik jigitti basynan taspen turyp sulatyp túsiredi. Qyzyn da soqqynyń astyna alady. Basqa túrikter de shaýyp kelip ekeýin bas demeı, kóz demeı ura bastaıdy.
Osy ádiletsizdikti kórip, kómekke reseılik týrıster de kelip jetedi. "Syrttaı qaraǵanda bul tóbeles emes, reseılikterdi óltirýge jasalǵan áreketteı áser etti", - deıdi kýágerler. Óıtkeni túrikter eshkimge de aıaýshylyq jasamaǵan.
