Túrik serıaldaryna tyıym salyndy
ASTANA. 18 mamyr. QazAqparat - Tájikstannyń memlekettik kıno agenttiginiń basshysy Davlat Safarovtyń aıtýynsha, úkimet elde tanymal birneshe túrik teleserıaldaryn kórsetýge tyıym saldy, dep habarlaıdy Azattyq.
Ol túrik serıaldary kórermenderge teris áser etedi jáne fılmderde terrorızm men ekstremızm nasıhattalady deıdi.
Túrik serıaldary sońǵy eki jyl boıyna tájik kórermenderine keń tanymal bolyp ketti. Biraq sońǵy ýaqytta úkimet radıkaldy ekstremızm týýy múmkin degen kez-kelgen televızııalyq ónimge kúdikpen qaraıtyn boldy.
Kórshiles Ózbekstan da aqpan aıynda birqatar túrik teleserıaldaryna tyıym salǵan bolatyn. Al Ázirbaıjanda naýryzdan bastap elde kez-kelgen sheteldik tele serıaldar men fılmderdi kórsetýge tyıym salyndy.
