Túrik polıtsııasy 15 aqpanda uıymdastyrylmaq bolǵan lańkestik oqıǵanyń aldyn aldy
ASTANA. QazAqparat - Keshe túnde Túrkııanyń Shanlyýrfa qalasynyń Vıranshehır aýdanynda júrgizilgen arnaıy operatsııa barysynda polıtsııa kóp mólsherde qoldan jasalynǵan jarylǵysh zattar men janǵysh qospasy bar shólmekterdi tárkiledi, dep jazady khabar.kz.
Bul oqıǵaǵa qatysty Kúrdistannyń jumysshy partııasymen baılanysy bar 4 adam ustalyp, jergilikti polıtsııa bólimshesine jetkizildi. Tergeý barysynda olar partııanyń qurýshysy jáne rýhanı kósemi Abdýlla Odjalannyń 1999 jyly 15 aqpanda ómir boıy bas bostandyǵynan aırylǵan kúnine oraı memlekettik mekemelerge lańkestik shabýyl jasamaq bolǵandyǵyn moıyndady.
Qazir quqyq qorǵaý organdary bul iske taǵy kimderdiń qatysy bar ekendigin anyqtaýda.
