Túrik parlamentshileri Qazaqstan Prezıdentiniń Joldaýyn joǵary baǵalady
jáne QR Prezıdenti N.Nazarbaevtyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Joldaýynyń negizgi baǵyttaryn túsindirýge arnalǵan «dóńgelek ústel» uıymdastyrdy. Bul týraly QR Syrtqy ister mınıstrliginiń baspasóz qyzmetinen habarlandy.
Іs-sharaǵa qazaqstan-túrik parlamenttik dostyq tobynyń quramynan onyń tóraǵasy Halıýk Ipek bastaǵan depýtattar qatysyp, olarǵa Joldaýdyń túrik tiline aýdarylǵan mátini bar broshıýra tabys etildi.
Elshi J.Túımebaev qatysýshylarǵa eldiń áleýmettik-ekonomıkalyq baǵytyndaǵy negizgi jetistikteri, Memleket basshysynyń jylsaıynǵy Joldaýda qoıǵan maqsatttary men mindetteri, sondaı-aq ústimizdegi jylǵy qańtarda QR Parlamentiniń Májilisine ótken saılaý týraly aqparat berdi. El basshylyǵy qabyldap otyrǵan baǵdarlamalardyń basty maqsaty - halyqtyń ál-aýqatyn nyǵaıtý ekendigi atap ótildi.
J.Túımebaev ekijaqty qatynastardyń joǵary deńgeıin jáne baılanystardyń qarqyndylyǵyn erekshe atap ótti. «Dóńgelek ústeldiń» qatysýshylary Qazaqstan Prezıdentiniń syrtqy saıası bastamalarymen, sonyń ishinde Túrkitildes memleketter yntymaqtastyǵy keńesin (Túrki keńesi), Túrkitildes memleketter Parlamenttik Assambleıasyn (TúrkPA), AÓSShK, Qazaqstannyń EQYU, IYU-na tóraǵalyǵy týraly, tanystyryldy.
Túrik depýtattary Joldaýdyń mazmunyn joǵary baǵalady, qujattyń áleýmettik baǵyttylyǵy parlamentshilerdiń erekshe qyzyǵýshylyǵyn týǵyzdy. Depýtattar, ásirese baýyrlas Qazaqstanǵa burynǵydan da bıik jetistikterge jetýge múmkindik beretin, iske asyrylyp jatqan áleýmettik-ekonomıkalyq baǵdarlamalar men strategııalardy atap ótti.
«Joldaýda qazaqstandyq qoǵamdy áleýmettik-ekonomıkalyq jańǵyrtýdyń jańa kezeńiniń strategııalyq basymdyqtary, memleketti, qaýipsizdikti odan ári nyǵaıtý jáne baýyrlas respýblıka azamattarynyń ál-aýqatyn arttyrý jónindegi sharalar kesheni naqty aıqyndalǵan», - dep atap kórsetti qazaqstan-túrik parlamenttik dostyq tobynyń tóraǵasy Halıýk Ipek.
Іs-sharanyń sońynda túrik parlamentshileri Qazaqstannyń damý qarqynyna qanaǵattanýshylyq pen parlamentaralyq yntymaqtastyqty odan ári jandandyrýǵa senim bildirdi.
