Túrik parlamenti prezıdenttik bılikti kúsheıtýge daýys berdi
ASTANA. QazAqparat - Túrkııa depýtattary prezıdenttiń rólin kúsheıtetin konstıtýtsııalyq reformanyń negizgi erejelerin bekitti. Bul traly Lenta.ru Reuters-ke silteme jasap habarlaıdy.
Negizgi qujattyń úsh jańa babynda qarastyrylǵandaı, parlament budan bylaı baqylaýlyq rólge, al prezıdent partııalyq qatystylyǵyn saqtap, atqarýshylyq bılikti basqara alady.
550 depýtattyń 340-y bul usynysty qoldap daýys berdi. Bul ózgeris eki rettik daýys berilgennen keıin ótip, jalpyhalyqtyq referendýmǵa shyǵarylady.
13 qańtar kúni bekitilgen ózgerister - reformanyń tek jartysy, al qalǵan erejelerdi talqylaý jalǵasýda. Rejep Taıyp Erdoǵan qabyldaıtyn jańa konstıtýtsııanyń jobasy prezıdenttik ókilettilikti nyǵaıtýǵa baǵyttalǵan.
Qujatty qabyldaǵan jaǵdaıda, memleket basshysynyń qaramaǵyna qarýly kúshter men arnaıy qyzmet tikeleı baǵynatyn bolady. Qazirgi tańda olardyń qyzmeti alqalyq organ - Joǵary áskerı keńes arqyly júrgizilýde.
