«Túrik-mońǵol mıfologııasy» dep atalatyn ǵylymı-zertteý eńbek jaryq kórdi,

dep habarlaıdy QazAqparat.

Ony baspaǵa Bilim jáne ǵylym mınıstrliginiń M. Áýezov atyndaǵy ádebıet jáne óner ınstıtýtynyń ǵylymı keńesi usynǵan. Túrki mıfologııasyn zertteýde eń alǵash Shoqan Ýálıhanov túren salǵan bolatyn. Keıin Halel Dosmuhambetov, Muhtar Áýezov, Seıit Qasqabasov sııaqty aǵa býyn ókilderi jalǵastyrǵan dástúr sabaqtastyǵyn jalǵastyrǵan Aqedil Toıshanulynyń jańa týyndysy bul baǵyttaǵy ǵylymı eńbekterdiń qataryn tolyqtyra tústi. Onda avtor eki ulttyń tanymy negizinde túrki-mońǵol mıfologııasynyń máselelerin talqylaıdy. Olardyń ózara úndestigi men aıyrmashylyǵyn jáne mıftik beınelerdiń búgingi mádenıetke áseri men yqpalyn salystyryp, saraptaıdy. Bul jaǵynan alǵanda zertteý Eýrazııa keńistigin mekendegen halyqtardyń arǵy-bergi tarıhyn aıqyndaýda qaperge alynýy tıis baǵdar-baǵyttardan da habar beredi.