Túrik mektepterinde arab kıimin kıgen ustazdarǵa qarsy naýqan bastaldy
ASTANA. 21 qyrkúıek. QazAqparat - Oqýshylar men olardyń ata-analary jáne muǵalimder sharıǵat shálisinen bólek arabtardyń kıimin kıgen oqytýshy áıelge jappaı narazylyq tanytyp, oǵan qarsy naýqan uıymdastyrdy, dep jazady muslim.kz.
Jýyrda ǵana mektep qabyrǵasynda biryńǵaı mektep kıim úlgisiniń qoldanystan shyǵarylýyna ári árkimniń óz qalaýyna qaraı kıinýine ruqsat berilýine baılanysty Túrkııanyń Balyqesir provıntsııasyna qarasty Aıbalyq eldi mekenindegi bastaýysh jáne orta synyptarda túrik tilinen sabaq beretin Elip Qysa esimdi áıeldiń ústimizdegi oqý jylynyń alǵashqy kúninen bastap, jumys ornyna shymqaı qara kıinip kelgeni áriptesteriniń de, shákirtterdiń de shymbaına tıdi. Eldiń qytyǵyna tıgen onyń bul qylyǵyna qarsy naýqandy uıymdastyrǵan Náhil Fılız: «Ol din men zaıyrly qoǵam arasyna ot tastaý úshin ádeıi istep otyr. Onyń kıimi elimizdegi musylmandarǵa da jat. Muny musylmannyń tańdaý erkiniń kórinisi deı almas edim, bul sharıǵatty balalarǵa májbúrlep tanýdyń bir joly»,- dedi ashyna til qatyp.
