Túrik lırasynyń quny kúrt tómendep ketti
ASTANA. QazAqparat - Prezıdent Erdoǵannyń Ádildik jáne damý partııasy 13 jylda alǵash ret medjılıske ótpeı qalǵannan keıin (ol nebári 41 paıyz daýys jınady) demalys kúnderi túrik lırasy rekordtyq deńgeıge tómendep ketti.
Investorlar ÁDP bılikte qalýǵa jetkilikti daýys jınaı alady degen senimdi bolǵan edi, sebebi ol mınıstrler kabınetin qalyptastyrýda belgisizdiktiń oryn alýyna jol bermeıtin jalǵyz partııa. «Parlamenttik kópshilikti joǵaltqan ÁDP osy saılaýda alǵash ret 13 jylda sońǵy jyldary damýshy naryqtarda eń dramalyq saıası oqıǵalardyń birin kórsetti», - dedi Spiro Sovereign Strategy-den Nıkolas Spıro. «Lıranyń quny saılaýǵa deıingi dollarǵa baǵamyna shaqqanda kúrt tómendep ketti. Qazirgi ýaqytta onyń baǵasy áli de tómendeı túsýi múmkin, saldarynan ortalyq bankke qysym (paıyzdyq stavkany kóterýge májbúrleıdi) kúsheıip, ınflıatsııa qaýpi týyndaıdy», - dep atap ótti Spıro. Damýshy naryqtardyń valıýtalary arasynda serpini baıaý baǵamdardyń biri lıra baǵamy nátıjelerdi eseptegennen keıin 1 dollarǵa shaqqanda 2,799-dy qurady, bul 5 paıyzǵa tómendeýdi bildiredi, dep habarlady vestifinance.ru.
