Túrik kásipkerleri Qazaqstanda jumysyn jalǵastyrýǵa nıetti

NUR-SULTAN. QazAqparat - Túrik ınvestorlary Qazaqstandaǵy jaǵdaıǵa qaramastan elde qalyp, kásipterin jalǵastyra bermek, dep habarlaıdy QazAqparat «Habar 24» telearnasyna silteme jasap.

Qazaq jerinde 2003 jyldan beri jumys istep kele jatqan túrik iskeri Ýǵýr Baldyń sózinshe, Qazaqstan basyna túsken qıyndyqty eńseredi.

Qazaqstandaǵy jalpyulttyq aza tutý kúnine oraı Ankaradaǵy elshilikte arnaıy rásim ótti. Sharaǵa túrik saıasatkerleri, qoǵam qaıratkerleri, iskerler men sheteldik dıplomatııalyq mıssııa ókilderi qatysty.

Kelýshiler Qazaqstandaǵy ahýaldyń tezirek sheshilýine tilektestik bildirip, qazaq jurtynyń bul kezeńdi eńseretinin tilge tıek etti.

«Qazaqstandaǵy kásipornymyzdyń jumysyn jalǵastyramyz. Sheginbeımiz. Biz Qazaqstannyń qýatyna, bıligine, onyń júrgizip otyrǵan demokratııalyq jáne quqyqtyq ustanymyna senimdimiz. Jobalarymyzdy qarqyndy túrde jalǵastyramyz», - dedi ınvestor Ýǵýr Bal.