Túrik qaǵandyǵyn qaıta dáýirletken uly Qutlyq Elteris qaǵannyń kesheni tabyldy

NUR-SULTAN. QazAqparat - Túrik qaǵandyǵyn qaıta dáýirletken uly Qutlyq Elteris qaǵannyń kesheni tabyldy. Bul týraly búgin óziniń Facebook paraqshasynda Halyqaralyq túrki akademııasynyń prezıdenti Darhan Qydyráli jazdy, dep habarlaıdy QazAqparat.

«Hanǵaı jotasynda, Ótúken aımaǵynda keremet jańalyq ashyldy. Halyqaralyq Túrki akademııasy men Mońǵolııa Ǵylym akademııasy Arheologııa ınstıtýtynyń birikken ǵylymı arheologııalyq ekspedıtsııasy Nomǵon alqabynda Kúltegin men Bilge qaǵannyń ákesi, Túrik qaǵandyǵyn qaıta dáýirletken uly Qutlyq Elteris qaǵannyń kesheni tabyldy. Saltanatty keshende tabylǵan bitiktasta tarıhymyzǵa betburys jasaıtyn túrk jáne soǵdy jazýymen mátinder bar!

Barshaǵa qutty bolsyn!»,-dep jazdy ǵalym.

Sondaı-aq ol atalmysh aqjoltaı jańalyqqa qatysty ózge de aqparattardy erteń Ulanbatyrdaǵy baspasóz ortalyǵynda ótetin jıynda jarııalaıtynyn habarlady.

Foto:facebook.com/darhan.hidirali