Túrik ınvestıtsııasy eselene túspek - baspasózge sholý
« Egemen Qazaqstan » gazetiniń habarlaýynsha, Elbasy Nursultan Nazarbaev pen elimizge memlekettik saparmen kelgen Túrik Respýblıkasynyń Prezıdenti Redjep Taıyp Erdoǵan keshe Astanada ótken Qazaqstan-Túrkııa bıznes-forýmyna qatysty.
«Forýmda sóılegen sózinde Memleket basshysy Nursultan Nazarbaev sońǵy 10 jyldyń ishinde Qazaqstanǵa tartylǵan Túrkııa ınvestıtsııasy artyp kele jatqanyn atap ótti», - delingen « Túrik ınvestıtsııasy eselene túspek » atty maqalada.
«Búgin biz Prezıdent myrzamen túrli salalarǵa qatysty kelissózder júrgizdik. Eki eldiń arasyndaǵy qarym-qatynas, dúnıedegi shıelenisken jaǵdaılar, ekonomıkalyq bolashaq, isker adamdardyń jumysy, barlyq salada biz pikir alystyq jáne qujattarǵa qol qoıdyq. Sizderdiń kópshilikterińiz Qazaqstanda burynnan beri jumys istep kele jatyrsyzdar. Túrkııa bizdiń strategııalyq, saýda-ekonomıkalyq áriptesimiz. Sońǵy on jyldyń ishinde elimizge tartylǵan Túrkııa ınvestıtsııasy 1,8 mlrd. dollardan asty», - dedi Qazaqstan Prezıdenti.
Elbasynyń aıtýynsha, Qazaqstanda túrik kapıtalyna salynǵan bir jarym myń kásiporyn jumys isteıtin bolady. Túrkııa osy kórsetkish boıynsha Reseıden keıingi ekinshi orynda tur. Qazaqstanda búginde on bes myńnan astam túrik azamaty turaqty túrde eńbek etedi. Túrik kompanııalary Qazaqstan táýelsizdigin alǵannan beri 20 mlrd. dollarǵa jýyq kólemde qurylys jumystaryn atqardy.
Túrkııa Respýblıkasynyń prezıdenti Redjep Taı̆yp Erdoǵannyń elimizge arnaı̆y sapary jaıynda «Aıqyn» basylymy da maqala arnap otyr.
Astanaǵa taban tiregen túrki eliniń basshysyn Qazaqstan Prezıdenti Nursultan Nazarbaev Aqordada óte jyly ráýishte qarsy alyp, eki memlekettiń arasyndaǵy Joǵary deńgeı̆degi strategııalyq yntymaqtastyq keńesiniń ekinshi otyrysyn ótkizdi, - dep jazady « Qazaq pen túrik - tamyrlas ult, baýyrlas » atty maqalada.
«Qazaq-túrik saıası dıalogynyń aýqymy udaı̆y keńeı̆ip keledi. Biz saıası yntymaqtastyq pen barys-kelis baǵytyndaǵy jumystardy júı̆eleı̆ túsýge kiristik. Mundaǵy basty maqsat - halyqtardyń dostyǵy men baı̆lanystaryn odan ary tereńdetý. Saýda-ekonomıkalyq, ınvestıtsııa máseleleri jan-jaqty talqylanyp, birqatar ýaǵdalastyqqa qol jetkizildi. Osy sapar aıasynda Túrkııa prezıdentimen birge kelgen kóptegen bıznes qaýymdastyǵy men Qazaqstannyń isker adamdary 26 nysan boı̆ynsha qol qoıatyn boldy», - deı̆di Prezıdent Nursultan Nazarbaev.
Qazaqstanda halyq qolyndaǵy teńge, dollar, evro, rýbl jáne basqa da banknottar kólemi qarqyndy túrde qysqartyla bastaı̆tyn bolady, dep habarlaıdy «Aıqyn».
Onyń ornyna Úkimet qazaqstandyqtardy tek iri saýda oryndary men mártebeli meı̆ramhanalarda ǵana emes, tipti bazarlarda da, ashana-dámhanalarda da, shaǵyn dúńgirshekterde de «kartochkamen» tóleýge úı̆retpek. Osy maqsatta keler jyldan bastap, barlyq kásipkerler tólemdi qolma-qol qarjysyz jasaýǵa múmkindik beretin termınaldar ornatýǵa mindetteledi.
«Jalpy, kartadan aqsha sypyratyn POS-termınaldardy ornatý talaby bıyldan bastap elimizdiń barlyq óńirlerinde kúshine minýge tıis bolatyn. Alaı̆da aýyl-aı̆maqtan, shaǵyn jáne orta bıznesmenderden qarsha boraǵan shaǵymdardyń ekpini men tepkinine shydamaı̆, qalaýlylarǵa keri sheginýge týra keldi. Úkimet te kásipkerlerge qo- symsha ýaqyt berýge kelisken. Degenmen aldaǵy jyldary «qolma-qol esep aı̆yrysýmen» kúresýge qyzý kiriskeli otyr. Osyǵan baı̆lanysty, keshe Parlamentte Úkimet, kásipkerler qaýymdastyǵy jáne bankter jetekshileriniń qatysýymen, arnaı̆y jıyn ótip, «qolma-qol aqshasyz aı̆nalymdy yntalandyrý jónindegi usynystar» qaraldy», - delingen « Ámııandy tolyq kartochka aýystyratyn boldy » atty maqalada.
Jolqudyq aýylynyń turǵyny 58 jastaǵy Erjan Ibraev óziniń zaıybynan 1 mıllıon teńge alıment óndirip alýdy talap etip otyr. Bul týraly resmı tilde shyǵatyn «Ekspress K» basylymy habarlaıdy. «Sto bed odınochestva» dep atalatyn maqalada atap kórsetilgenindeı, atalmysh kópbalaly áke ózi jalǵyz 6 bala asyrap otyr. Kishi qyzy tipti eki jasta ǵana.
«Birneshe jyl buryn Ibraevtyń birinshi zaıyby qaıtys bolady. Ol kezde onyń qolynda eki bala qalady. Keıin Erjan qaıta úılenedi. Jańa áıeli oǵan taǵy tórt bala syılaıdy. Biraq kóp uzamaı, ol ózi úshin ómir súrýdi oılap, «balabaqshany» tastap ketedi. Onyń qaıda ekenin qazir eshkim bilmeıdi. Al jalǵyzdan-jalǵyz qalǵan ákege úıdiń kúıbeń tirshiligimen otbasyny asyraý kúnnen-kúnge qıyn bolyp barady.
«Men kómekten bas tartpaımyn, - deıdi Erjan Ibraev. - Men jumys istemeımin, sondyqtan árbir tıyndy sanaýǵa týra keledi. Tek nannyń ózine aıyna 9 myń teńge ketedi. Zaıybymnan alıment alý úshin sotqa júginýge týra keldi. Odan esh uıalmaımyn - balalardy tamaqtandyryp, kıindirý kerek».
Erjan oǵan mıyǵynan kúletinder kóp dep otyr. Biraq kómek qolyn sozatyndar odan da kóp. Sheneýnikter jalǵyzbasty ákege kómektesýden jalyqqan emes. - Onyń mektep jasyndaǵy balalary tegin ystyq tamaqpen qamtamasyz etilgen», - deıdi Alǵabas aýyldyq okrýginiń ákimi Mırzat Valıpov. - Biz bul otbasyǵa azyq-túlik pen kómir jınap, materıaldyq kómek jasap turamyz. Erjan - jaqsy adam, ol balalardy tastap ketpegeni kóp nárseden habar beredi.
Sot prıstavtary onyń zaıybyn birneshe ret Pavlodardan tapqan, biraq ol sol beti izin taǵy sýytty», - delingen maqalada.
