Túrik fılmi «Altyn palma butaǵyn» ıelendi
ASTANA. QazAqparat - Qazylar alqasynyń sheshimi boıynsha, 67-shi Kann kınfestıvali «Altyn palma butaǵynyń» laýrety bolyp túrik rejjıseri Nýrı Bılge Djeılannyń «Qysqy uıqy» atty kartınasy atandy, dep habalaıdy sheteldik BAQ.
Festıvaldiń Gran-prı júldesi rejısser Alıche Rorvaker túsirgen «Ǵajaıyp» (Le Meraviglie) atty ıtalıandyq-shveıtsarııalyq-nemis kartınasyna buıyrdy. Bul marapat atalǵan baıqaýda ekinshi mártebege ıe. Júldeni oǵan Sofı Loren tabys etti. Reseılik Andreı Zvıagıntsevtiń «Levıafan» fılmi eń úzdik stsenarıı úshin júldeli boldy. Eń úzdik akterler Tımotı Spoll («Ýılıam Terner») men Djýllıana Mýr («Juldyzdy karta») atandy. Kann festıvali bıyl 14 mamyrda bastalyp 25 mamyrda aıaqtalady. Baıqaýǵa 18 kartına usynyldy.
