Túrik etnomádenı ortalyǵy Astanada qaıyrymdylyq aktsııasyn uıymdastyrdy
ASTANA. QazAqparat - «Ahyska» túrik etnomádenı ortalyǵy Astana qalalyq Qazaqstan halqy Assambleıasynyń qoldaýymen zaǵıp jandarǵa arnap merekelik kesh uıymdastyrdy, dep habarlaıdy QazAqparat elorda ákimdiginiń resmı saıtyna sileme jasap.
«Zaǵıp jandardyń ishki rýhy myqty bolsa, ol jaqyndaryn sezýge, ishki jylylyqpen qabyldaýǵa kómektesedi. Taǵdyrdyń basqa salǵan synyna qaramastan kóńilderińiz kóterińki, júzderińizden jylylyq taımasyn», - dedi «Ahyska» túrik etnomádenı ortalyǵynyń tóraǵasy Asker Pırıev.
Іs-sharaǵa qalalyq «Qazaq zaǵıptar qoǵamy» qoǵamdyq birlestiginiń ókilderi qatysty. Astana qalasynyń «Qazaq zaǵıptar qoǵamy» qoǵamdyq birlestiginiń jetekshisi Erǵalı Buharovtyń aıtýynsha, qazirgi kúnde 1-2 toptaǵy kózi kórmeıtin múgedekter esebinde 488 adam tur. Merekelik shara Astana qalasynyń Dostyq úıinde ótti.
