Túrik delegatsııasy Ońtústiktegi týrıstik baǵytpen tanysyp shyqty
ShYMKENT. QazAqaparat - Ońtústik Qazaqstan oblysynda ótken úsh kúndik «Qazaqstan-Túrkııa ınvestıtsııalyq forýmynyń» aıasynda delegatsııa quramy óńirimizdiń tarıhı jerlerine saıahat jasady, dep habarlaıdy OQO ákiminiń baspasóz qyzmeti.
Atap aıtqanda, túrik kásipkerleri Otyrar aýdanyndaǵy «Otyrar tóbe» qalashyǵyna baryp, tarıhı syryna qanyqty. Munan soń, «Arystan bab» kesenesine zııarat jasalyp, baba rýhyna duǵa baǵyshtaldy.
Mártebeli meımandardy arnaıy kútip alǵan aýdan ákimi Erlan Aıtahanov delegattardy bolashaqta aýdanda júzege asyrylatyn jobalarymen tanystyryp, baýyrlas eldiń ókilderin óńirdiń týrızm salasyna ınvestıtsııa salýǵa shaqyrdy.
Aýdan basshysynyń málimetinshe, ótken jyly «Otyrar tóbe» qalashyǵyna 110 myńnan astam týrıst kelse, onyń 5 myńy sheteldik saıahatshylar eken. «EHRO- 2017» halyqaralyq kórmesi qarsańynda qyzý daıyndyqty bastap ketken mamandar sheteldik qonaqtar kelgen ýaqytta «Arystan bab» kesenesinen bastap «Otyrar tóbe» qalashyǵyna deıingi aralyq kósheniń halyqaralyq talaptarǵa saı kóriktendiriletinin aıtady.
Bul kúni delegattar Túrkistan qalasyndaǵy Qoja Ahmet ıAsaýı kesenesin de aralady. Q.A.ıAsaýı atyndaǵy Halyqaralyq Qazaq-Túrik ýnıversıtetinde boldy. Óńirdiń týrıstik áleýetimen tanysqan sheteldik qonaqtar oblysymyzdyń tarıhı jerlerge baı ekenin aıtyp, joǵary baǵalap, soǵan saı bolashaqta mundaǵy týrızm salasy odan ári damı beretinine senim bildirdi.
Búkil álemdik mádenı mura tizimindegi ıÝNESKO-nyń quramyna kiretin mavzoleı elimizdegi týrıster eń kóp keletin aımaqtardyń biri bolyp tabylady. Ótken jyldary kıeli mekenge bir jylda 1 mln. 60 myń týrıst kelse, 245 myńy shetel azamattary eken.
Túrkistanda qonaqtardy qala əkimi Álipbek Óserbaev qarsy alyp, barsha túrki jurtynyń rýhanı astanasy, túrik baýyrlarymyz úshin «Atajurt» sanalatyn - Túrkistan qalasyna arnaıy kelgeni úshin alǵysyn bildirdi.
Meımandarmen kezdesý barysynda shahar basshysy túrik kəsipkerlerin bastap kelgen delegatsııa múshelerine estelik retinde arnaıy syı tapsyrsa, sheteldik qonaqtar tarapynan da sóz alǵan Túrkııa Respýblıkasy Ulttyq ekonomıka mınıstrliginiń keńesshisi Taryk Sonmez ystyq yqylas kórsetken qazaq baýyrlaryna rızashylyǵyn bildirip, qos memleket arasyndaǵy ekonomıkalyq-mədenı baılanystardyń odan ári kúsheıe beretinin jetkizdi. 
