Túrik dárigerleri aqtóbelikterge tegin ota jasady
Aqtóbege Túrkııa dárigerleri kelip, eki kún boıy naýqastarǵa em kórsetti. Sút bezi aýrýyna shaldyqqan naýqastarmen kezdesip, áriptesterine sheberlik sabaqtaryn ótkizdi, dertti emdeýdiń jańa ádisterimen bólisti.
Aqtóbe medıtsınalyq ortalyǵyna Ankara qalasyndaǵy Bashkent ýnıversıteti, medıtsınalyq ortalyǵynyń professorlary, onkolog, transplantolog, mammolog Sedat Ildyrym men plastıkalyq, bet-jaq súıek hırýrgi Ahmet Chagrı Ýısalbes kelip, eki balaǵa ota jasady.
Sonymen qatar, bet-jaq súıeginiń býyndary men súıekteriniń týa bitti potologııasymen aýyratyn emdelýshini tekserdi. Eki kezeńdik otadan turatyn emdeýdiń naqty jospary jasaldy. Sút bezi aýrýy bar ózge emdelýshige dene múshesin saqtaıtyn ota jasalady. Barlyq otany Túrkııadan kelgen mamandar tegin jasap jatyr.
«Baqytty bala» aktsııasy aıasynda aýyr potologııasy bar taǵy bes balaǵa Túrkııadaǵy Bashkent ýnıversıteti janynan ota jasalady. Balalardyń joly men emdelýine ketetin shyǵyndy qabyldaıtyn tarap ózi kóteredi.Túrik dárigerleri oblystyq densaýlyq saqtaý basqarmasynyń uıymdastyrýymen birinshi ret kelip turǵan joq. Aldaǵy ýaqytta halyqqa tegin keńes berý, ota jasaý, jergilikti mamandardy emdelýdiń zamanaýı ádisterine úıretý sekildi aktsııalardy jumys atqarylady» ,- dep habarlady oblys ákiminiń baspasóz qyzmeti habarlamasynda.