Túrik bıznes qaýymdastyǵy Qazaqstandaǵy ınvestıtsııalyq belsendiligin jalǵastyrady
ASTANA. QazAqparat - Ankarada Qazaqstannyń Túrkııadaǵy Elshisi Janseıit Túımebaev Túrkııanyń Ekonomıka mınıstrligi janyndaǵy Syrtqy ekonomıkalyq baılanystar komıtetiniń (DEİK) basshylyǵymen kezdesti.
«DEİK basshylyǵy eki eldiń arasyndaǵy ınvestıtsııalyq yntymaqtastyǵynyń joǵary deńgeıde ekendigin, sonymen qatar QR Investıtsııa jáne damý mınıstrliginiń 2015 jyly Qazaqstanǵa ınvestıtsııa quıýdan eń belsendi 10 kompanııanyń ishine túrkııalyq úsh ınvestordy qosqany týraly jaıtty rızashylyqpen aıtyp ketti», delingen baspasóz habarlamasynda.
«Biz eki eldiń arasyndaǵy ekijaqty ınvestıtsııalyq yntymaqtastyǵynyń jıiligine rızashylyq bildiremiz. Úsh túrik kompanııasynyń 2015 jylǵy Qazaqstannyń ındýstrııasyna úles qosqan eń úzdik 10 shetel ınvestorynyń qatarynda bolýy - Qazaqstan men Túrkııa arasyndaǵy bar belsendi yntymaqtastyǵynyń ashyq dáleli bolyp tabylady», - dep DEİK basshylyǵy atap ótti.
J.Túımebaev túrik tarapyn 2016 jyly da Qazaqstandaǵy ınvestıtsııalyq belsendiligin saqtaýǵa shaqyrdy.
2015 jyly Qazaqstannyń Investıtsııalar jáne damý mınıstrligi Qazaqstandaǵy belsendi ınvestıtsııalyq qyzmeti úshin 10 sheteldik ınvestordy belgiledi. Olardyń ishinde - 3 kompanııa Túrkııadan. Olar: «Anadolu Beverage Group» kompanııasy («Coca-Cola Icecek A.S.»), «Coca-Cola» korporatsııasynyń satý kólemi boıynsha besinshi úzdik kompanııasy; VTM Group kompanııasy gıdroızolıatsııalyq jáne jylýızolıatsııalyq qurylys materıaldaryn óndirip shyǵaratyn kompanııa; Abdi Ibrahim dárilik zattardy óndirip shyǵarady.
Eske sala ketsek, DEİK - Túrkııanyń jeke bıznes sektorynyń basqa eldermen júrgizetin ekonomıkalyq, saýda, ındýstrııaldyq jáne qarjy qarym-qatynastaryn retteıtin uıym retinde bekitilgen bolatyn. DEİK-tiń quramynda: 99 qurýshy ınstıtýt, 127 bıznes keńes, sonymen qatar atalǵandardyń tek uıymnyń janynda ǵana 2 myńnan astam ókili bar.
