Túrik bıligi Ystambuldaǵy qaýipsizdik sharalaryn kúsheıtýdi jalǵastyrýda
ASTANA. QazAqparat Túrik bıligi Ystambuldaǵy qaýipsizdik sharalaryn kúsheıtýdi jalǵastyrýda. Qalaǵa qosymsha arnaıy kúshter ákelindi, polıtsııa tutqıyldan keletin shabýylǵa toıtarys berýge daıyndalýda, dep habarlaıdy RBK.
Anadolu aqparattyq agenttigi habarlaǵandaı, ystambuldyq polıtsııa basshysy Mustafa Kalıskan qala ústinde paıda bolǵan kez kelgen tikushaqty eskertýsiz atyp túsirýge buıryq berdi. Bılik memlekettik tóńkeris jasaǵysy kelgen búlikshilerde áýe tehnıkasy bar dep qaýiptenip otyrǵan sekildi.
Sondaı-aq, bılik Ystambulǵa kórshiles aımaqtardan 1800 arnaıy polıtsııa kúshterin aldyrǵan. Olardy strategııalyq mańyzy bar kósheler men nysandarǵa ornalastyrdy.
Túrkııada memlekettik tóńkeris jasaý búlikshilerdiń Bosfor ózenindegi kópirdi jabýymen bastaldy. Birneshe saǵat boıy sonda bolyp, tek 16 shilde kúni tańǵy ýaqytta jaýyngerler Rejep Erdoǵan jaqtastaryna berile bastaǵan.
Aldyn ala tergeý jumystary anyqtaǵandaı, tóńkeris jasaýǵa tyrysqan jetekshiler arasynda áskerı áýe kúshteri ofıtserleri, sonyń ishinde túrik avıatsııasynyń burynǵy komandıri Akyn Oztıýrk bolǵan. Sol sebepti, Ankaradaǵy bılik nysandaryn áýeden atqylaǵan ushaqtar men tikushaqtardy búlikshiler erkin ıelengen. Bıliktegi prezıdentke adal, komandırge baǵynǵan synaqshylar kem degende eki tikushaqty atyp túsirgen.
16 shilde kúni Túrkııa bıligi búlikshilerde birneshe tikushaq bar ekenin málimdedi. Búlikshi tikushaqtarynyń biri Grekııaǵa qonyp, ondaǵy jaýyngerler jergilikti bılikke berilgen jáne saıası bassaýǵa suraǵan.
