Túrik áıelderi er-azamattarǵa qaraǵanda tózimdi keledi
ASTANA. 21 mamyr. QazAqparat - «Jumys kezinde psıhologııalyq qysym kórsetti jáne qorqytyp-úrkitti» dep aryzyn aıtyp keletinderdiń arasynda áıelderge qaraǵanda er-azamattardyń qarasy kóp bolyp shyqty.
Bul jaıynda timeturk.com habar taratty.
Túrkııanyń Eńbek jáne áleýmettik qamsyzdandyrý mınıstrligi osyǵan baılanysty esebin jarııalady.
muslim.kz saıtynyń jazýynsha, osy másele boıynsha mınıstrlikke 6 myń 84 adam habarlasqan eken. Olardyń 55 paıyzy erler bolsa, 45 paıyzy - áıelder. Sonymen qatar, 67 paıyzyn jeke sektorlarda jumys isteıtinder qurasa, 33 paıyzy - memlekettik mekemelerde eńbek etetinder.
Atalmysh mınıstrliktiń basshysy Farýk Chelıkanyń aıtýynsha, «túrik qoǵamynda qalyptasqan keıbir ádet-ǵuryptar men jańsaq uǵymdarǵa baılanysty bizdiń áıelder ádiletsizdikke tap bolsa, ishten tynyp, júre bergendi qolaı kóredi nemese máseleni elge bildirtpeı sheshkendi jón tabady. Al er-azamattar tıisti oryndardan kómek suraǵannan arlanbaıdy».
