Túrik aqyny ıÝnýs Emreniń óleńderi qazaq tiline aýdaryldy
2021 jyl ıÝNESKO jáne Túrkııa Respýblıkasynyń Prezıdenti Rejep Taııp Erdoǵan tarapynan ómirden ozǵanyna 700 jyl tolǵan, túrik tiliniń eń kórnekti tulǵalarynyń biri ıÝnýs Emre jáne túrik jyly bolyp jarııalandy.
ıÝnýs Emre- Anadoly jurtynda ıAssaýıdyń mektebin jalǵastyrýshy aqyn, óleńderin ıAssaýı jolymen túsindirip jazǵan. Óleńderiniń ıdeıasy adamzatty súıýge, aqıqatqa, sabyrǵa, ıaǵnı adamzattyq qundylyqtarǵa úndeıdi.
Osy aıtýly oqıǵaǵa oraı ıÝnýs Emre túrik mádenıet ortalyǵy men Qazaqstan Jazýshylar odaǵy Nur-Sultan fılıaly «ıÝnýs Emreniń tańdamaly óleńderi» atty kitapty qazaq tiline aýdaryp, kitap etip basyp shyǵardy. Kitap túrik professor Erdoǵan Boz daıyndaǵan mátindi negizge ala otyryp aýdaryldy. Aqynnyń 13-14 ǵasyrlarda jazǵan «Nasıhattar kitaby» jáne «Dıýan» jınaǵynyń 72 óleńin Erdoǵan Boz qazirgi túrik tiline yńǵaılap mátin túrinde daıyndap shyqty.
Atalǵan mátindi jolma- jol ıÝnýs Emre túrik mádenıet ortalyǵynyń dırektorynyń mindetin atqarýshy Almagúl Isına qazaq tiline aýdardy. Al, 19 qazaq aqyny osy mátindi óleńge aınaldyrdy. Dıýan jınaǵy –ıÝnýstyń aqyndyǵynyń shyńy dep sanalady. Jaryq kórgen kitapta qazaqsha aýdarma men 13-14 ǵasyrlardaǵy túrikshe túpnusqasy birge usynylǵan.
Jazýshylar Odaǵy Nur Sultan fılıaly tóraǵasy Dáýletkereı Kápuly ıÝnýstyń kitabynyń aýdarmasyna baılanysty oılaryn bólisti.
«ıÝnýs Emre jylyna baılanysty Túrkııanyń ıÝnýs Emre ınstıtýty men Qazaqstan Jazýshylar odaǵy Nur Sultan qalalyq fılıaly birlesip, ıÝnýstyń 72 óleńin qazaq tiline aýdaryp, kitap etip basyp shyǵardy. Bul jobaǵa Qazaqstannyń eń talantty 19 jas aqyn aýdarmashysyn qatystyrdyq. Sebebi jańa aqyndar, jas aqyndar- qazirgi Evropanyń da, Batystyń da, Shyǵystyń da óleń órnegin biletin izdenimpaz, búgingi ádebıetke ózindik qoltańbasymen kelgen aqyndar. ıÝnýs Emre jyrlarynyń aýdarmasyna erekshe órnek beredi dep oıladyq.
Qazaq aqyndarynyń ishinde ıÝnýstyń jyrlaryn erteden aýdaryp júrgen aıtýly shaıyrlarymyzdy Nesipbek Aıtuly, Ulyqbek Esdáýlet, ótkende ǵana ıÝnýstyń jyrlaryn jeke kitap qylyp shyǵarǵan Svetqalı Nurjandy atap ótýge bolady. Bul kisilerdiń aýdarmalarynyń orny bólek. Degenmen jastardyń jańasha kózqarasyn ıÝnýstyń jyrlarynda tanyǵymyz keldi. ıÝnýs Emreniń 72 óleńin 13 ǵasyrdaǵy túrik tilinen qazirgi zamanǵy túrik tiline professor Erdoǵan Boz aýdarǵan. Aqyndarǵa jumys protsesinde óleńniń óziniń túp maǵynasynan, qazyǵynan aýytqymaıtyndaı etip aýdarý týraly usynys jasadyq. Bizdiń 19 aqynymyz óleńderdi tamasha etip aýdaryp berdi.
Bul - Qazaqstan Jazýshylar odaǵynyń Nur Sultan qalasy fılıaly men ıÝnýs Emre ınstıtýtynyń birlesken jobasy. Jalpy Túrki dúnıesindegi túrik shaıyrlardyń jyrlary árbir elge ortaq. Sondyqtan olar bir –birlerine úlken áserin tıgizedi, ári halyqtyń shyǵarmashylyǵyna, búgingi jastardyń ádebıetke degen jańasha kózqarasyna áser etedi.
1000 dana jaryq kórgen ıÝnýstyń tańdamaly óleńderi jınaǵy Qazaqstannyń oblys ortalyǵyndaǵy barlyq kitaphanalar men ýnıversıtetterge, aqyndar men jazýshylarǵa tartý etiledi.
Kitaptyń tusaýkeseri 11 naýryz kúni saǵat 15.00-te Nur Sultan qalasynda QR Ulttyq akademııalyq kitaphanada ótedi. Sharaǵa aqyn, jazýshylar, zııaly qaýym ókilderi, Túrkııanyń Qazaqstandaǵy Tótenshe jáne Ókiletti Elshisi, dıplomatııalyq mıssııa ókilderi qatysady.
