Turǵysyn ózenindegi sýdyń beti qaıtty - ShQO
ÓSKEMEN. QazAqparat - Shyǵys Qazaqstan oblysynyń tótenshe jaǵdaılar departamenti Turǵysyn SES-niń qurylys aýmaǵynda bolǵan tasqynǵa qatysty resmı aqparat berdi, dep habarlaıdy QazAqparat tilshisi.
«Keshe Altaı aýdanynyń Kýtıha aýylynan 6 shaqyrym jerde Turǵysyn ózeniniń sýy kóterilip, oqıǵa ornynan túrli vıdeolar taraǵan bolatyn. Sý qaýipti deńgeıge deıin kóterilgen joq, arnasynan da aspady. Jaqyn mańdaǵy eldi mekenderge eshqandaı qaýip tónbeıdi. Halyqty qaýipsiz jerge kóshirý, tótenshe jaǵdaı qyzmetiniń jeke quramy jumyldyrý qajettigi týyndaǵan joq. Salynyp jatqan sý elektr stansasynyń aýmaǵyn sý basqanymen, zardap shekken adam bolmady» - delingen resmı aqparatta.
Departamenttiń habarlaýynsha, qazir oqıǵa ornynda oblystyq teótenshe jaǵdaılar departamentiniń basshysy Nurlan Madııarov júr. Ózen sýynyń deńgeıi monıtorıngtik baqylaýǵa alynǵan.
