«Turǵynúıjınaqbanki» júıesi arqyly aldaǵy úsh jylda 1,5 myń páter salynady

Bul týraly búgin qoljetimdi baspana máselesine arnalǵan shara barysynda «Nur Otan» HDP Astana qalalyq fılıaly tóraǵasynyń birinshi orynbasary Qaırat Jańabergenov málim etti.

«Turǵynúıjınaqbanki» júıesi arqyly aldaǵy úsh jylda 1,5 myń páter salynady. Qazirgi ýaqytta ınjenerlik jelilerdi júrgizý maqsatynda qala aýmaǵynda jer ýchaskeleri bólindi», - deıdi ol.

Onyń aıtýynsha, munyń barlyǵy QR Prezıdentiniń tapsyrmasymen ázirlengen «Qoljetimdi baspana - 2020» baǵdarlamasyn iske asyrýǵa arnalǵan josparlar.

Al «Turǵynúıjınaqbanki» AQ dırektory Murat Sháripovtiń aıtýynsha, Astana boıynsha kóppáterli 2 turǵyn úıdiń qurylysy júrip jatyr. «Onda 700-den astam páter bar. Bul úıler tehnıkalyq jabdyqtalǵan, birden qonystanýǵa bolatyndaı taza, daıyn kúıde bólinedi», - dep atap ótti M. Sháripov.

Sonymen qatar qazirgi ýaqytta elde memlekettik qordan halyqty arendalyq baspanamen qamtamasyz etý jumystary júrgizilýde. Atalmysh júıe arqyly sońǵy 3 jylda úsh myńnan astam páter bólindi.