«Turǵynúıqurylysjınaqbankiniń» toǵyz basshysynyń jeteýi jáne olardyń týystary zańsyz satyp alǵan páterlerin qaıtarady
Bul týraly QazAqparat tilshisine «Báıterek» UBH» baspasóz qyzmetinde habarlady.
«Toǵyz basshynyń jeteýi jáne olardyń týystary páterlerdi óz erkimen qaıtarady. Biz Almaty qalasy ákimdigimen birge páterlerdi naqty qaıtarýdyń zańdy tetigin jasadyq. Páterler jaqyn arada baspanaǵa muqtaj azamattarǵa beriledi dep oılaımyn», - dep atap ótti «Turǵynúıqurylysjınaqbankiniń» jańa taǵaıyndalǵan tóraǵasy Aıbatyr Jumaǵulov.
Eske sala keteıik, 9 páter QTQJB basshylary jáne olardyń týystary arasynda bólingen bolatyn. Atap aıtqanda, jańa turǵyn úıdi bank basqarmasynyń tóraǵasy, onyń eki burynǵy orynbasary, Almaty oblystyq fılıalynyń dırektory jáne banktiń Almaty qalasyndaǵy fılıalynyń dırektory, jáne olardyń týystary alǵan.
«Páterdi óz erkimen qaıtarýdan bas tartqan eki azamatqa qatysty másele sotta sheshiletin bolady. Olarǵa sotaldy talap-aryz joldanǵan bolatyn» - dep atap aıtty «Turǵynúıqurylysjınaqbankiniń» basshysy A.Jumaǵulov.
«Qoljetimdi baspana-2020» baǵdarlamasy boıynsha «Áıgerim» TK-nen páter alǵan banktiń qalǵan qyzmetkerlerine qatysty olar basqarýshy qyzmetkerler bolyp tabylmaıtyndyqtan jáne QR zańnamasyn buzbaı turǵyn úıdi memlekettik baǵdarlama talaptaryna sáıkes alǵandyqtan eshqandaı shara qoldanylmaıdy», - dep jalǵastyrdy baspasóz qyzmetinde.
Aǵymdaǵy jyldyń 11 qazanynda ótken Úkimettiń keńeıtilgen otyrysynda QR Prezıdenti N.Á.Nazarbaev «Turǵynúıqurylysjınaqbankiniń» jumysyn ótkir synǵa alyp, banktiń basqarýshy qyzmetkerleri jáne onyń týystary alǵan páterlerdi qaıtarý týraly tapsyrma bergen bolatyn.
