Turǵynúıqurylysjınaqbankiniń basshylyǵy «Qoljetimdi baspana-2020» baǵdarlamasyna qatysa almaıdy

Shekteý tek atalǵan memlekettik baǵdarlamaǵa ǵana qoıylǵan jáne banktiń basqa ónimderine qoldanylmaıdy. ıAǵnı, QTQJB basqarýshy qyzmetkerleriniń úıdi salýǵa nemese jóndeýge, úıdi satyp alýǵa, ıpotekalyq qaryzdy óteýge quqyǵy bar, dep habarlaıdy qarjy mekemesiniń baspasóz qyzmetinen.

«Qazaqstan Turǵynúıqurylysjınaqbanki» AQ basshylyq quramyna: dırektorlar keńesiniń, basqarma keńesiniń músheleri, basqarýshy dırektorlar, banktiń bas býhgalteri, ishki aýdıt qyzmetiniń basshysy, komplaens-baqylaýshy, bank fılıaldarynyń dırektorlary men bas býhgalterleri enedi.

Sonymen qatar, «Qoljetimdi baspana-2020» baǵdarlamasyna aktsıonerlik qoǵam basshylyq quramynyń otbasy músheleri de qatysa almaıdy.

QTQJB qyzmetkerleri bul qadamǵa óz erkimen bardy. Olar ózderiniń Baǵdarlamaǵa qatysýy nemese soǵan yqpal etýi banktiń atyna kir keltiredi dep sanaıdy.