«TurǵynúıQurylysJınaqbanki» janyndaǵy qoǵamdyq keńes Astanada kóshpeli otyrysyn ótkizedi
ASTANA. QazAqparat - 9 maýsym kúni Astana qalasynda «TurǵynúıQurylysJınaqbanki» janyndaǵy qoǵamdyq keńestiń kóshpeli otyrysy bolyp ótedi, dep habarlady onyń tóraǵasy Seıitqazy Mataev.
«Kezekti kóshpeli otyrysty Astanada ótkizýdi sheshtik. Sońǵy ýaqytta qoǵamdyq keńeske Saýran jáne № 24 kósheleriniń qıylysyndaǵy kóppáterli turǵyn kesheni» nysany qurylysynyń keshigýine qatysty kóptegen shaǵymdar kelip túsken. Bul nysanda turǵyndardyń barlyq sanattary úshin 242 páter bar. Bul úı bir jarym jyl buryn paıdalanylýǵa berilýi tıis bolǵan, biraq adamdar óz páterlerin áli kúnge deıin kútip otyr», - dep habarlady S.Mataev.
Óz kezeginde Astana ákimi Ádilbek Jaqsybekovke bul otyrysqa qatysý ótinishi jazylǵan hat joldanǵan edi. «Barlyǵymyz qurylystyń keshigýine ne sebep bolǵanyn, sondaı-aq azamattarymyz óz páterleriniń kiltterin qashan alatynyn birge anyqtaýymyz kerek. Sonymen birge elordada aımaqtardy damytý baǵdarlamasy boıynsha qandaı úıler salynyp jatqanyn kórýimizge bolady. Qazirgi kezde qurylysshylar, ákimdik, «TurǵynúıQurylysJınaqbanki» jáne bank klıentteriniń tyǵyz baılanysta jumys isteýi óte mańyzdy», - dep atap ótti qoǵamdyq keńestiń basshysy. Onyń aıtýynsha, qoǵamdyq keńestiń músheleri qurylys alańyna baryp, ondaǵy qurylystyń qandaı kezeńde ekenin kóredi, atalǵan nysandaǵy jumys sapasyn baǵalaıdy, sondaı-aq páterlerdi memlekettik baǵdarlama boıynsha satyp alýǵa úmitker azamattarmen kezdesedi. Qosymsha suraqtardy «TurǵynúıQurylysJınaqbanki» janyndaǵy qoǵamdyq keńestiń os@hcsbk.kz tikeleı elektrondyq mekenjaıyna joldaýǵa bolady.
